FANPA Compostela organiza esta charla co fin de ofrecer ás familias información sobre o uso de pantallas nos centros educativos.
O encargado de impartir esta actividade é Fernando Fraga Varela, especialista en Tecnoloxía educativa e membro do grupo de investigación Stellae da USC. Baixo o título “As pantallas a debate: o papel de Edxigal no desenvolvemento das competencias do alumnado”, nesta charla abordaranse os pros e contras desta plataforma, e a súa incidencia ou non, na aprendizaxe do alumnado e no desenvolvemento da competencia dixital.
Convidámoste a este espazo no que escoitar, aprender, e debater xuntas para construir puntos de vista sobre a educación dixital e o modelo vixente nas escolas galegas.
Esta actividade percorrerá varias ubicacións da contorna de Compostela, das que iremos anunciando as datas nesta publicación e tamén nas nosas redes sociais (Facebook e Telegram).
CHARLA EN SANTIAGO DE COMPOSTELA
A segunda charla realizarase no CEIP das Fontiñas (Santiago de Compostela) o vindeiro martes 5 de marzo ás 17.00 h.
Para participar, as persoas interesadas deberán cubrir o formulario de inscrición dispoñible na seguinte ligazón: https://forms.gle/UiYHhVyYgGZNCYVi8.
CHARLA EN BERTAMIRÁNS
A segunda charla realizarase na Casa da Cultura de Bertamiráns (Praza Chavián, 1) o vindeiro xoves 29 de febreiro ás 18.00 h.
Para participar, as persoas interesadas deberán cubrir o formulario de inscrición dispoñible na seguinte ligazón: https://forms.gle/vKqKMaHPKLrmgijL6.
CHARLA EN VEDRA
A charla realizarase en primeiro lugar na Biblioteca municipal de Vedra (Avenida Mestre Manuel Gómez Lorenzo, nº 15- 1º, 15885, Vedra) o vindeiro xoves 8 de febreiro ás 18.00 h.
Animádevos a asistir, cubrindo o formulario de inscrición en https://forms.gle/f8zbkAKVykshC35FA.
FANPA COMPOSTELA 